«Астана әдістемелік орталығы» ұйымдастырып отырған жол жүру ережесі бойынша қалалық «Брейн-ринг» байқауы №67 «Шұғыла» балабақшасында өтті. «Брейн-ринг» байқауында біздің бүлдіршіндеріміз, жұлдыздарымыз ІІ орын иеленді.
Жетекшілері: А.Д. Аманжолова, А.М. Сарсембаева, Д.Б. Каппасова.
Қауіпсіздік мәдениеті – бала кезден!
“Астана дарыны” дарынды балаларды балалар мен талантты жастарды анықтау және қолдау орталығы мен №61 “Шолпан” балабақшасының ұйымдастыруымен ерекше білім беруді қажет ететін мектеп жасына дейінгі балаларға арналған “Сәулелі тастар” қалалық ұлттық ойын жарысында жүлделі І орынды “Балбұлақ” тобының тәрбиеленушісі Қали Айлин алса, ІІ орынды “Жұлдыз” тобының тәрбиеленушісі Талғатбек Алихан иеленді. Жетекшісі: Джазбаева Альмира Бакитбековна.
Құттықтаймыз!
№69 «Еркем-ай» балабақшасының логопед маманы ата-аналарға пайдалы кеңестермен бөлісті.
Тақырып: «Үй жағдайында логопедиялық жаттығулар».
Маман артикуляциялық аппаратты дамытуға, сөйлеуді белсендіруге және дыбыстарды дұрыс қоюға бағытталған логопедиялық (артикуляциялық) жаттығуларды көрсетті. Мұндай кеңестердің пайдасы зор. Үйде жүйелі жұмыс жасау баланың оқуына, сөйлеуінің дамуына және қоршаған ортаға бейімделуіне оң әсер етеді.
Қорыта келгенде, ата-ана мен маманның тығыз байланысы — баланың жан-жақты дамуының басты кілті. Бірлесе әрекет еткенде әр бала өз әлеуетін толық аша алады!
Тақырыбы: «Ойын терапиясы ерекше білім беру қажеттілігі бар балаларды дамытудың құралы».
Мақсаты: Өз ойын білдіру, жай-күйін дамыту арқылы баланың қабілетін үйлестіру. Ойын терапиясы балаларға өз тәжірибелерін түсіну және өңдеуге мүмкіндік береді, сонымен қатар оларды сенімді әрі бейімделген адамдармен байланыс орнатуға үйретеді. №3 педагогикалық кеңеске «Еркем-ай» балабақшасының ересек тобының ата-аналары белсенді түрде қатысты. Кеңес барысында ойын терапиясының маңызы, ерекше білім беру қажеттілігі бар балалармен жүргізілетін ойын түрлері және олардың бала дамуына тигізетін оң әсері кеңінен түсіндірілді.
Ата-аналарға ойын терапиясына арналған практикалық тапсырмалар ұсынылып, олар ойын элементтерін өздері орындап көрді. Тапсырмалар арқылы ата-аналар баланың ішкі жан дүниесін түсінуге, оның эмоциясын ойын арқылы білдірудің тиімділігін сезіне алды.
«Ақ жол» ересек тобы
Мақсаты: Балабақша тәрбиеленушілері арасында «Заң мен тәртіп» қағидаттарын насихаттай отырып, адал мінез-құлықты қалыптастыру, балалардың құқықтық сана-сезімін жас ерекшеліктеріне сай дамыту және қоғамдағы тәртіп ережелерін сақтауға тәрбиелеу.
Міндеттері:
• Балаларға адалдық пен жауапкершіліктің маңызын ойын, қойылым арқылы ұғындыру;
• Әлеуметтік ортада өзін дұрыс ұстай білуге, ережелерді сақтауға үйрету;
• Балалардың өз іс-әрекетіне баға бере алу қабілеттерін қалыптастыру;
• Тәрбиешілер мен балалардың бірлескен шығармашылық жұмысын жетілдіру;
• «Адалдық дүкені» акциясы арқылы жағымды мінез-құлық үлгілерін көрсетуге мүмкіндік жасау.