Көрменің мақсаты – балалардың қыс мезгілі туралы түсініктерін кеңейту, табиғатқа деген сүйіспеншілігін ояту, қолөнер мен шығармашылық қабілеттерін дамыту. Ата-аналар мен балалар бірлесіп, түрлі материалдардан (қағаз, мақта, табиғи бұйымдар, пластик, т.б.) қыс тақырыбында ерекше жұмыстар дайындады.
Көрме өте жоғары деңгейде өтті. Балалар өз жұмыстарын мақтанышпен таныстырып, көрермендердің қызығушылығын тудырды. Ата-аналардың белсенді қатысуы қуантты.
“Айгөлек” мектепалды тобы
Мақсаты: Балалардың шығармашылық қабілеттерін жан-жақты дамыту, олардың өнерге деген қызығушылығын арттыру және сахнада өзін еркін, сенімді ұстай білу дағдыларын қалыптастыру. Ертеңгілік барысында балалардың ән айту, би билеу, өлең оқу және рөлдік ойындар арқылы эстетикалық талғамын, қиялын және эмоциялық сезімдерін дамытуға мүмкіндік жасау. Сонымен қатар ұжыммен жұмыс істеу, бір-бірін тыңдау, өз ойын еркін жеткізу, достық пен сыйластықты сезіну мәдениетін қалыптастырып, мерекелік көңіл күй сыйлау.
«Ақжол» ересек тобы
Мақсаты: Балалардың мерекелік қуаныштарын арттырып, сиқырлы ертегілер әлеміне саяхат жасату. Шырша айналасындағы ойындар арқылы ептілік пен шапшаңдықты дамыту. Аяз ата мен Ақшақар бейнесі арқылы балаларды ізгілікке, жақсылыққа сенуге үйрету.
Балалардың шығармашылық қабілеттерін (ән айту, би билеу, өлең оқу) арттыру. Есте сақтау, сөйлеу мәдениетін және сахнада өзін еркін ұстау дағдыларын қалыптастыру.
Тәрбиелік: Достыққа, ұйымшылдыққа, мейрімділікке және үлкендерді сыйлауға тәрбиелеу. Мерекелік мәдениетті сақтауға баулу.
«Балбұлақ» – мөлдір бұлақтай таза, білімге құштар, арманы асқақ бүлдіршіндер тобы. Бұл топта әр бала – бір тамшы, ал бәрі қосылып үлкен өмір бұлағын құрайды. Біздің бүлдіршіндеріміз өнерге, ойынға, білімге құштар, мерекелік көңіл-күйді бірге сезінетін тату топ.
«Бәйтерек» даярлық тобы
Мақсаты: Балаларға Жаңа жыл мерекесінің мән-мағынасын түсіндіру, мерекелік көңіл күй сыйлау, шығармашылық қабілеттерін дамыту, бір-біріне деген достық пен мейірімділік сезімдерін қалыптастыру. Балалардың сахналық мәдениетін, өнер көрсету дағдыларын жетілдіру, көпшілік алдында өзін еркін ұстай білуге тәрбиелеу.