Сіздерді 1 қазан – Қарттар күні мерекесімен шын жүректен құттықтаймыз!
Бұл күн – өмірлік тәжірибесі мен даналығы мол, бар жақсылығын ұрпағына арнаған асыл жандардың күні.
Алдағы күндеріңіз шаттыққа, жүректеріңіз мейірім мен қуанышқа толы болсын. Дендеріңіз сау, жүздеріңіз әрдайым жарқын, шаңырақтарыңыз берекелі болсын!
Ұрпақтарыңыздың құрметіне бөленіп, амандық пен қуанышқа кенеле беріңіздер!
Астана халықаралық университетінің колледжінің түлектері өздерінің алғашқы ұстазы Марал Кулькеновнаны арнайы құттықтап барды.Түлектер ардақты ұстазына жүрекжарды тілектерін білдіріп, ұстаз еңбегінің өлшеусіз екенін атап өтті. Бұл шара ұстаз бен шәкірт арасындағы рухани байланысты одан әрі нығайтып, жас мамандарға шабыт сыйлады.
25 қыркүйек пен 5 қазан аралығында еліміз бойынша «Ұстаз – ұлт шамшырағы» онкүндігі өтеді. Әр күні өңірлерде ұстаздарға арналған салтанатты және тақырыптық іс-шаралар ұйымдастырылады. Бұл бастама педагог мәртебесін арттыруға, мұғалім мамандығын насихаттауға және қоғамға ұстаздың ерекше рөлін еске салуға бағытталған.
Ұстаз – тек мамандық қана емес, ол – миссия. Педагогтар жас ұрпақты тәрбиелеп, елдің зияткерлік капиталын қалыптастырады және әрбір балаға өз жолын табуға көмектеседі. Бүгінде еліміздегі 23 мыңға жуық білім беру ұйымдарында 600 мыңнан астам педагог еңбек етуде.
Бүгін біздің балабақша ұстаздарын ата-аналар онлайн бейнеқұттықтау арқылы құттықтады.
Жылы лебіздер мен жүрекжарды тілектер ұстаздар қауымына үлкен қуаныш сыйлап, мерекелік көңіл-күйді еселей түсті.
Осындай құрмет пен қолдау үшін барлық ата-аналарға шын жүректен алғыс айтамыз!
20 қыркүйек күні №69 «Еркем-ай» балабақшасында қалалық сенбілік өтті. Бұл күнде балабақша ұжымы ұйымшылдық танытып, бір мақсатта біріккен игі шара өткізді.
Ұжым мүшелері өз қолдарымен аумақты тазалап, ауланы қоқыстан арылтып қана қоймай, жасыл желекке ерекше күтім жасап, гүлзарларды ретке келтірді. Әрбір жан тазалық пен тәртіпті сақтауға өз үлесін қосып, «таза орта – балаларға жарқын болашақ» деген ұстанымды іспен дәлелдеді.
Мұндай сенбіліктер тек аумақты тазалаумен шектелмейді, сонымен қатар ұжымның ұйымшылдығы мен ынтымақтастығын арттырды.