«Балбұлақ» тобының бүлдіршіндерінің аналарына арнаған мерекелік кеші керемет өтті.
Балалар өз өнерлерін көрсетіп, аналарына жылы лебіздері мен жүрекке толы тілектерін арнады. Мереке өте әсерлі әрі қуанышты көңіл-күйде өтті.
69 «Еркем-ай» балабақшасының меңгерушісі Марал Күлкенқызы барша ұжымымызды 8 Наурыз – Халықаралық әйелдер күнімен шын жүректен құттықтады.
Бұл мереке – нәзіктік пен мейірімнің, сұлулық пен жылулықтың мерекесі. Марал Күлкенқызы ұжымдағы барлық аруларға зор денсаулық, отбасы амандығын, жұмыстарына табыс пен шығармашылық шабыт тіледі.
Әрқашан жүздеріңізден күлкі кетпей, еңбектеріңіз бағаланып, өмірлеріңіз қуанышқа толы болсын!
Халықаралық 8 наурыз – Әйелдер күніне орай балабақша ұжымын әртістер құттықтап, жүрекжарды жылы лебіздерін білдірді. Олар барша аруларға зор денсаулық, бақыт, отбасы амандығын тілеп, мерекелік көңіл күй сыйлады.
Ана – өмірдегі ең қымбат, ең мейірімді жан. Әр адамның дүниеге келуіне себепші болып, оны ақ сүтімен асырап, махаббатымен өсіретін – ана. Ана баласы үшін әрқашан алаңдап, оның бақыты мен болашағын ойлайды.
Ана мейірімі шексіз теңіз секілді. Ол баласын ешқашан жамандыққа қимайды, әрқашан дұрыс жолға бағыттап, ақылын айтып отырады. Бала үшін ананың жылы сөзі мен ақ батасы үлкен күш береді.
Сондықтан әр адам өз анасын құрметтеп, қадірлеуі керек. Анаға деген сүйіспеншілік пен алғыс ешқашан азаймауы тиіс. Ана – отбасының жүрегі, үйдің шуағы. Ана бар жерде мейірім, жылу және бақыт бар.
“Жұлдыз” мектепалды тобында «Аналар – асыл жандар» атты ерекше ертеңгілік өтті.
Мерекелік шара батл форматында ұйымдастырылып, бұл жолы тек балалар ғана емес, аналар мен әкелер де белсенді қатысты. Қатысушылар би билеп, түрлі қызықты ойындар ойнап, өзара жарысып, мерекенің көңілді әрі әсерлі өтуіне үлес қосты.
Ертеңгіліктің ең әсерлі сәттерінің бірі – әкелердің тосын сыйы болды. Залдағы барлық әйелдер қауымына қызыл раушан гүл шоқтары табысталды. Ал сол сәтте «Жұлдыз» мектепалды тобының тәрбиеленушісі Айзеренең әкесі «Ана» әнін орындап, мерекелік кешке ерекше жылулық пен әсер сыйлады.