«Ақ жол» ересек тобы
«Балбұлақ» тобы
“Жерден ғарышқа дейін” тақырыбындағы іс-әрекетімізде балалар ғарыш әлеміне қызықты саяхат жасады. Өз қолдарымен ғарыш кемесін құрастырып, планеталарды қиып-жабыстырды. Сонымен қатар, суда тәжірибе жасап, зерттеу дағдыларын дамытты.
Балалардың қиялы шексіз, ал армандары – ғарыштай кең!
Балалар ғарыш тақырыбымен танысып, өз қиялдарын дамытты. Құрастыру барысында ғарыш кемесін жасап, судағы тәжірибе арқылы оның қасиеттерін зерттеді. Сонымен қатар, планеталарды қиып-жабыстыру арқылы ғарыш әлемі туралы білімдерін кеңейтті.
Тәрбиеші: Белекова Г.М.
«Таза Қазақстан» бағдарламасы аясында мектепалды топ тәрбиеленушілерімен «Табиғатты аялайық» тақырыбында эко-іс-әрекет ұйымдастырылды.
Іс-шара барысында балаларға қалдықтарды сұрыптау (сорттау) туралы танымдық бейнеролик көрсетіліп, қоршаған ортаны қорғаудың маңызы түсіндірілді.
Одан кейін алынған білімдерін бекіту мақсатында ойын түріндегі іс-әрекеттер ұйымдастырылып, балалар қоқысты дұрыс сұрыптауды тәжірибе жүзінде үйренді.
Табиғатты қорғау – әрқайсымыздың ортақ міндетіміз!
Педагогтер қауымдастығының бекітілген жоспарына сәйкес Сарайшық ауданының қазақ тілі педагогтері үшін №69 “Еркетай” балабақшасында ұйымдастырылған іс-әрекеттер өткізіліп, қатысушыларға ұсынылды. ҰІӘ-ке қаланың мемлекеттік және жекеменшік балабақшасының қазақ тілі педагогтері қатысты.
Шара барысында педагогтер бір-бірімен кәсіби пікір алмасып, тиімді әдіс-тәсілдер мен жаңашыл практикаларды тәжірибеде қолдану жолдарын талқылады.
10 сәуір 2026 жылы Астана қаласында мектеп жасына дейінгі балаларға арналған «Бестемше» өңірлік ұлттық ойын жарысы өтті.
Іс-шараның мақсаты – ұлттық құндылықтарды дәріптеу, балалардың ой-өрісін дамыту, логикалық ойлау, шапшаңдық пен тапқырлық қабілеттерін арттыру.
Жарысқа Қарағанды, Петропавл, Павлодар, Ұлытау, Ақмола облыстарынан, сондай-ақ Екібастұз, Абай, Теміртау қалаларынан қатысушылар келді.
Жалпы саны 100-ге жуық қатысушы болды.
Ойын балалар, ата-аналар және педагогтер арасында ұйымдастырылып, қатысушылар өз білімдері мен ептіліктерін жоғары деңгейде көрсетті.
Сонымен қатар, Ахметова М., Жолымбетова Н., Таждинова А. авторлығымен «Бестемше – зияткерлік ойыны» әдістемелік құралының тұсаукесері өтті.