№69 «Еркем-ай» балабақшасының ұйымдастыруымен «Ұрпаққа аманат» атты ұстаздар, ата-ана, балабақша балаларының қатысуымен Ұлы Отан соғысының 80 жылдығына арналған дөңгелек үстел өтті. Аталған мерекелік іс-шара Ұлы Отан соғысында қаза тапқан жауынгерлерді 1 минут еске алумен басталды.
Ересек топтар: “Қарлығаш”, “Ақжол”, “Жұлдыз”, “Балбұлақ”арасындағы тақырыптық іс-әрекеттері.
Мақсаты: Тәрбиеленушілерге Ұлы Отанды сүюге, ерлік көрсеткен батырлардың бойындағы ержүректілік, отан сүйгіштік, ұлтжандылық қасиеттерін дәріптеу.
№69 “Еркем-ай” балабақшасында “Түлектердің ағаш егуі” экочелленджі ұйымдастырылды.
Ағаш отырғызу іс-шарасының басты мақсаты – мектепалды жастағы балаларға табиғатқа деген сүйіспеншілікті, экологиялық мәдениетті қалыптастыру, табиғатты қорғауға тәрбиелеу, еңбекке баулу және ұжыммен бірлесе жұмыс жасауға дағдыландыру. Сонымен қатар, балалардың жауапкершілік сезімін дамыту, табиғаттағы тіршілік иелеріне жанашырлықпен қарауға үйрету және салауатты өмір салтын насихаттау.
№69 «Еркем-ай» балабақшасында Қазақстан халқының бірлігі күніне арналған «Бір шаңырақ астындамыз» атты мерекелік іс-шараға қатысқан ата-аналардың ықтимал кері байланысы мен тілектері.
№69 «Еркем-ай» балабақшасында Қазақстан халқының бірлігі күніне арналған «Бір шаңырақ астындамыз» атты мерекелік іс-шара ұйымдастырылды. Мақсаты — балаларға елімізде тұратын түрлі ұлт өкілдерінің бірлігі мен достығы жайлы түсінік беру, өзара сыйластыққа тәрбиелеу.
Мерекеде әр ұлттың ұлттық киімдерімен киінген тәрбиеленушілер өз өнерлерін көрсетті. Балалар ән айтып, би билеп, тақпақтар оқыды. Сонымен қатар, қазақ халқының салт-дәстүрлері мен ұлттық ойындары көрсетіліп, достық пен татулықты насихаттайтын қойылымдар қойылды.
Іс-шараға ата-аналар мен балабақша қызметкерлері белсене қатысып, мерекелік көңіл-күймен тамашалады. Мұндай шаралар балалардың бойында отансүйгіштік пен ұлтаралық татулықты бағалауға тәрбиелейді.