“Еркем-ай” балабақшасының арнайы мамандары Рахимгалиева Сандугаш Амангельдиевна, Бекежанова Динара Турсыновна және Жақыпбекова Гульжан Куанышбековна “Балаларды мектепке даярлау” тақырыбында, ата- аналарға кеңес пунктінде жадынама таратып, оларды толғандыратын сұрақтарға жауап берді. Балалардың мүмкіндіктеріне көбірек сенім білдіру қажет екенін түсіндірді.
Біздің балабақшада “Отбасы құндылықтары” тақырыбында ерекше челлендж жарияланып отыр.
Бұл челлендждің мақсаты – отбасындағы ынтымақ пен бірлікті, ұлттық тәрбие мен мейірімді қарым-қатынасты насихаттау, бала тәрбиесіндегі ата-ананың белсенділігін арттыру.Сонымен қатар ата-аналардың балабақша өміріне белсенді араласуын қамтамасыз етіп, бала тәрбиесінде отбасының маңызды рөлін көрсету.
Бүгін №69 «Еркем-ай» балабақшасында «Бәйтерек», «Ерке», «Айгөлек» мектепалды топтарынды қазақ тілінен «Білімділер әлеміне саяхат» атты ашық ұйымдастырылған іс-әрекет өтті.
Аталған ашық ұйымдастырылған іс-әрекетке балалар белсенді қатысып, жыл бойы оқып біліп, зейінге түйгендерін ортаға салып, білім әлемінде өзара жарысқа түсті.
Берілген тапсырмаларды мұқият орындап, өлең оқудан да құр алақан емес екендерін көрсетті.
№69 “Еркем-ай” балабақшасында қазақ тілі апталығының салтанатты ашылуы өтті. Бүгінгі күн – біз үшін аса маңызды, ерекше күн– халқымыздың рухани өзегіне айналған қасиетті ана тілімізге деген шынайы құрметтің белгісі.
Бұл апталық – мемлекеттік тіліміздің мәртебесін көтеріп, оның терең тарихы мен бай мұрасын жас ұрпаққа дәріптеу жолындағы игі бастама.
Апталық аясында түрлі танымдық кездесулер, шығармашылық шаралар мен тәрбиелік мәні зор іс-шаралар ұйымдастырылып, оқушылардың тілге деген сүйіспеншілігін арттыру көзделуде.