“Ботақан” ортаңғы тобы
Мақсаты: Балаларға Жаңа жыл мерекесінің қуанышты екенін сезіндіру, көңілді орта қалыптастыру. Сиқырлы цирк кейіпкерлері арқылы балалардың сөйлеу, қимылдау, ән айту және билеу дағдыларын дамыту. Мерекені бірге қызықты өткізіп, достыққа, мейірімділікке тәрбиелеу.
«Қарлығаш» ересек тобы
«Қош келдің, Жаңа жыл» атты ертеңгілігінің мақсаты:
Балаларға Жаңа жыл мерекелік көңіл-күй сыйлау; шығармашылық қабілеттерін, музыкалық және көркемдік дағдыларын дамыту; балалардың бір-бірімен өзара әрекеттесуін, достық қарым-қатынасын нығайту; сахнада өзін сенімді ұстауға үйрету.
«Қарақат» ортаңғы тобының «Қош келдің, Жаңа жыл!» атты ертеңгілігінің мақсаты:
Балалардың Жаңа жыл мерекесі туралы білімдерін кеңейту, қыс мезгілі мен Жаңа жыл кейіпкерлері жөнінде түсінік қалыптастыру. Ән айту, би билеу, тақпақ айту және ойындар арқылы балалардың шығармашылық қабілеттерін, тіл байлығын, есте сақтауын дамыту.
Астана қаласында мектепке дейінгі ұйымдар арасында өткізілген «Интеллектум» олипмадасында балабақшамыздың «AI QYRAN» командасы Ахметдинов Мухсин, Қасымов Айсұлтан, Болатова Ляйсан жүлделі 2 - орынды иеленді. Жетекшісі: Жолымбетова Н.А. «Астана дарыны» дарынды балалар мен талантты жастарды анықтау және қолдау орталығы мен «Интеллектум» орталығының ұйымдастырған олимпиадада балалар өздерінің интеллектуалды қабілетін, шығармашылығы мен өнерлерін көрсетуге мүмкіндік алды. Балалардың дағдыларының қалыптасып, дамуына жағдай жасайтын балабақшаның жұмысы осындай жарыстарда өз көрінісін табады.
«Жұлдыз» мектепалды тобы Қалибек Қуанышбаев атындағы Қазақ ұлттық музыкалық драма театрында қойылған “Құмқала”қиял-ғажайып ертегісін тамашалап, рухани әсер алды.
Балалар ертегідегі сиқырлы әлемге еніп, кейіпкерлермен бірге қызықты оқиғаларды бастан өткерді. Бұл — Тәуелсіздік мерекесіне арналған тәрбиелік мәні зор, әсерлі күн болды!