“Айбары асқақ – Ата Заң”
Бүгін біз балабақшамызда Қазақстан Республикасының Конституция күнін атап өттік.
Балалар Отан, Ата Заң, Тәуелсіздік туралы тақпақтар айтып, ән шырқап, би биледі.
Ойындар арқылы олар мемлекеттік рәміздерді танып, баланың құқығы мен міндетін білді.
Кішкентай жүректеріне «Ата Заң – еліміздің тірегі, әділет пен теңдіктің кепілі» деген түсінік берілді.
«Білім беру ұйымының жаңа оқу жылындағы білім беру саясаты мен басымдықтары» тақырыбында өтті.
Кеңесте Мемлекет басшысы Қасым-Жомарт Тоқаевтың тамыз конференциясында сөйлеген сөзі талқыланып, білім беру саласына қатысты негізгі басымдықтарға назар аударылды. Президент өз сөзінде мұғалімнің кәсіби біліктілігін арттыру, заман талабына сай білім беру жүйесін жетілдіру және жас ұрпақты адал азамат етіп тәрбиелеу – еліміздің басты мақсаты екенін атап өтті.
Осыған орай, «Адал азамат – біртұтас тәрбие» бағдарламасын іске асыруға байланысты жұмыс жоспары қарастырылып, оның негізгі бағыттары белгіленді. Жоспар аясында балалардың бойында адамгершілік құндылықтарды қалыптастыру, отансүйгіштікке тәрбиелеу, адалдық пен жауапкершілікке баулу негізгі міндет ретінде айқындалды.
Халықтың рухани байлығы – оның өнерінде. Қазақ халқының салт-дәстүрі, ұлттық биі, ән-күйі, ою-өрнегі – барлығы ғасырлар бойы ұрпақтан-ұрпаққа беріліп келе жатқан асыл мұра.
Бүгінгі ұрпақ — осы бай мұраны танып, қастерлеп, жалғастырушы. Балабақшада өткен «Өнер көзі – халықта» атты шарада балалар ұлттық өнер түрлерімен танысып, қолөнер бұйымдарын жасап, ұмыт қалған өнер ойындарымен танысып ойнап, ұлттық аспаптарды қолдана отырып аспаптар әлемін құрып, би билеп, ән шырқады.
Мұндай тәрбиелік іс-шаралар арқылы бүлдіршіндер халқымыздың өнерін сүйіп, ұлтжандылыққа баулынады.
Өнер – ұлттың айнасы,
Өнер – мәңгілік мұра!
