Бүгін біздің балабақша ұстаздарын ата-аналар онлайн бейнеқұттықтау арқылы құттықтады.
Жылы лебіздер мен жүрекжарды тілектер ұстаздар қауымына үлкен қуаныш сыйлап, мерекелік көңіл-күйді еселей түсті.
Осындай құрмет пен қолдау үшін барлық ата-аналарға шын жүректен алғыс айтамыз!
20 қыркүйек күні №69 «Еркем-ай» балабақшасында қалалық сенбілік өтті. Бұл күнде балабақша ұжымы ұйымшылдық танытып, бір мақсатта біріккен игі шара өткізді.
Ұжым мүшелері өз қолдарымен аумақты тазалап, ауланы қоқыстан арылтып қана қоймай, жасыл желекке ерекше күтім жасап, гүлзарларды ретке келтірді. Әрбір жан тазалық пен тәртіпті сақтауға өз үлесін қосып, «таза орта – балаларға жарқын болашақ» деген ұстанымды іспен дәлелдеді.
Мұндай сенбіліктер тек аумақты тазалаумен шектелмейді, сонымен қатар ұжымның ұйымшылдығы мен ынтымақтастығын арттырды.
Өрт қауіпсіздігі – балабақшадағы басты талаптардың бірі.
Тәрбиешілер мен қызметкерлер күнделікті қауіпсіздік ережелерін сақтап, балаларға қарапайым өрт қауіпсіздігі туралы түсінік береді. Электр құрылғыларын дұрыс қолдану, от пен жылу көздерінен алшақ болу, эвакуация жолдарын білу – балабақшадағы тәртіптің маңызды бөлігі.
Мақсат – балалардың өмірі мен денсаулығын қорғау.
Бүгін Оқу-ағарту министрі Ғани Бейсембаев пен Цифрлық даму, инновациялар және аэроғарыш өнеркәсібі министрі Жаслан Мәдиев 2025–2029 жылдарға арналған орта, техникалық және кәсіптік, сондай-ақ орта білімнен кейінгі білім беру жүйесіне жасанды интеллектіні енгізудің тұжырымдамалық негіздерін бекіту туралы бірлескен бұйрыққа қол қойды.
Құжат Мемлекет басшысының Қазақстан халқына Жолдауында берілген тапсырмасы аясында әзірленіп, білім беру жүйесін жаңғыртудың маңызды кезеңіне айналды. Алғаш рет білім беру саласында жасанды интеллектіні қолданудың бірыңғай ұлттық стандарттары бекітіліп, оған этика, құқықтық реттеу, дербес деректерді қорғау және академиялық адалдық мәселелері енгізілді.
Анар Жақсылыққызы – балабақша тәрбиешесі, бестемше ойынынан Чехияда өткен Әлем кубогының жеңімпазы «Оянда» сұхбат берді