Тақырыбы: №69 «Еркем-ай» балабақшасында «Жұлдызды жол» жарқырады!

20.02.2026 жылы балабақшамызда ерекше күн! Мектепалды тобының бүлдіршіндері арасында «Жұлдызды жол» атты интеллектуалдық ойын өтті. Бұл сайыс — балалардың жыл бойы жинаған білімін саралап, олардың зеректігі мен тапқырлығын көрсететін нағыз «жұлдызды» сәт болды.

Ойын барысында кішкентай білгірлеріміз 5 негізгі сала бойынша сынға түсті:

Коммуникация: Сурет бойынша сөйлем құрап, дыбыстық талдау жасады.

Таным: Сандардың құрамын тауып, логикалық есептерді шешті.

Физикалық даму: Пайдалы тағамдарды ажыратып, салмақ өлшемдерін меңгергендерін көрсетті.

Шығармашылық: Пішіндерден тұтас бейне құрастырып, қиялдарына қанат бітірді.

Әлеуметтік-эмоционалдық: Сезім мүшелері мен қоршаған орта туралы білімдерін ортаға салды.

Сайыс соңында әрбір қатысушы өзінің нағыз білім жұлдызы екенін дәлелдеп, ерекше марапаттарға ие болды!

Мекен-жайымыз: №69 «Еркем-ай» балабақшасы.