Бүгін балабақшада балалармен бірге қызықты **сумен ойын** өткізілді. Ауа райы жылы әрі жайма-шуақ болғандықтан, тәрбиешілер балаларды аулаға шығарып, су құйғыштар мен түрлі ыдыстарды пайдаланып ойын ұйымдастырды. Балалар суды бір ыдыстан екіншісіне құйып, су шашып, бір-бірімен жарысып ойнады.

Балалардың көңіл-күйі көтеріңкі болды, жүздерінен күлкі кетпеді. Олар шапқылап, су шашып, қуанып ойнады. Бұл ойын балалардың моторикасын дамытып, табиғатпен етене жақындасуға мүмкіндік берді. Сонымен қатар, топпен әрекет ету, кезек күту, ойын ережелерін сақтау сынды дағдыларды да қалыптастырды.

Күн соңында балалардың бәрі қуанышпен, көтеріңкі көңіл күймен топқа оралды. Осындай ойындар балалардың балабақша өмірін қызықты әрі есте қаларлық етеді.