2025 жыл 28 наурыз күні Астана қаласы әкімдігінің әдістемелік орталығы МКҚК және Астана қаласы әкімдігінің 69 “Еркем-ай” балабақшасы МКҚК бірлесе отырып “Мектепке дейінгі білім ұйымында инклюзивті білім беру ерекшеліктері” атты тәжірибе алмасу іс -шарасы өтті. Іс шараға серіктес балабақша өкілдері, мектепке дейінгі ұйымның арнайы педагогтері, Астана халықаралық университетінің педагогикалық колледжі өкілдері, “Ы.Алтынсарин атындағы 83 мектеп- гимназиясы” педагогтері қатысты.

Іс-шараның мақсаты №69 «Еркем-ай» балабақшасының инклюзивті және арнайы білім беру мен тәрбиелеу жұмыстарының жүйесін көрсету.

Қонақтарға “Әдістемелік орталығының арнайы және инклюзивті білім беру бөлімінің әдіскері А.Каримова, Педагогикалық колледж оқытушысы К.Койбагарованың баяндамалары ұсынылып, балабақша меңгерушісі М.Ахметованың «Балабақшадағы тәрбие мен білім беру үрдісінде ата-аналармен жүргізілетін психологиялық ағарту» тақырыбындағы тәжірибе алмасу, «Мектепке дейінгі ұйымда ерекше білім беру қажеттілігі бар балалармен арнайы мамандардың жұмысы бойынша» педагог-психологтар Н.Жолымбетова, А.Менбаева, А.Мауленова, логопедтер Г.Жақыпбекова, Д.Бекежанова, дефектологтар С.Рахимгалиева, Ж.Калимусаева, инклюзивті білім беру тобының тәрбиешісі А.Аманжолованың шеберлік сағаттары көрсетілді.

Іс-шара арнайы мамандардың тәжірибемен алмасу, шығармашылығын шыңдау, маман ретінде өз біліктілігін арттыруға мүмкіндік туғызды.