Жаңалықтар

Логопед, дефектолог арнайы мамандарының қалалық семинары өтті

Бүгін Астана қаласы әкімдігінің Білім басқармасы «Әдістемелік орталығы» МКҚК «Арнайы және инклюзивті білім беру» бөлімінің әдіскерлері мен қалалық арнайы педагогтер қауымдастық мүшелерімен бірлесіп, №69 «Еркем-ай» балабақшасында Алматы, Сарайшық ауданы бойынша логопед, дефектолог арнайы мамандарының қалалық семинары өтті. Тәжірибе алмасу мақсатында ұйымдастырылған семинарға отыздан аса арнайы мамандар қатысты.

Балабақшамыздың арнайы мамандары мектепалды тобында ұйымдастырылған-іс әрекет көрсеткен дефектолог С.Рахимгалиева мен логопед Д.Бекежанова, және «ересек» тобымен ұйымдастырылған іс-әрекетті дефектолог Ж.Калимусаева мен логопед Г.Жакыпбекова жоғары деңгейде көрсетіп, жас мамандарға өздерінің іс-тәжірибелерімен бөлісті.

Ұйымдастырылған іс-әрекет балаларды әдемі ертегі және цирк әлеміне енгізіп, қиялына ерік берді. Есте сақтау қабілетін арттыра отырып, қоршаған ортамен қарым-қатынастарын арттыра отырып, білім алуға деген қызығушылығын арттырды.

МКҚК «№69 «Еркем-ай» балабақшасы»

Астана қ., Кенен Азербаев к., 41