Бүгін Астана қаласы Білім басқармасы Әдістемелік орталығы, @qazintellect «Тоғызқұмалақ зияткерлік қауымдастығы» ұйымдастыруымен №69 «Еркем-ай» балабақшасында «Бестемше» ұлттық ойнынан педагогтер арасында тартысты жарыс өтті. Көкшетау, Қызылжар, Қарағанды, Теміртау қалаларының мектепке дейінгі ұйым педагогтері арасында өткен ұлттық «Бестемше» ойыны ойдың ұшқырлығын, адамның санасын серпілтіп, ойлау мүмкіндігін шыңдайды. Кең көлемде өткізіліп отырған ұлтымыздың құнды мұрасы – «Бестемше» ұлттық ойынға іріктеуден өткен тек мықты деген жиырмаға жуық мектепке дейінгі педагогтері қатысты.

«Бестемше» ұлттық ойынды терең түсініп, жүрістің қыр-сырын шебер меңгерген кіл мықты педагогтер қатысқан жарыс тартысты өтті. Соның ішінен суырылып шығып, топ жарған, алты мәрте қарсыласын жеңіп, бірінші орынға табан тіреген Таждинова Анар №69 «Еркем-ай» балабақшасының тәрбиешісі. Сонымен қатар балабақшамыздың ұлттық ойынымызды ұлықтап жүрген үздік ойыншымыз Аманжолова Алтынаймен Қызылжарлық педагог Тайгушкарова Роза екінші орынды иеленді. Ал 3-орынға балабақшамыздың денешынықтыру нұсқаушысы Каппасова Дина, тәрбиеші Есельбаева Гульжайна мен Қызылжарлық педагог Армиенова Эльмира үшінші орынды иеленіп, жарыс тұғырынан көрінді. Ұтымды жүріс жүре білген педагогтың бірі алға шықты, бірі жеңіліс тапты. Бірақ педагогтер танысып, білісіп, ары қарай тәжірибе алмасып жұмыс жасауға келісті. 5 сағатқа созылған «Бестемше» ойыны — әлемдік мәдениеттің озық үлгілерімен бой теңестіре алатын рухани ойын, логикалық ойлау өнері.