Балабақшамызда “Біртұтас тәрбие” бағдарламасы аясында, “Өнерлі отбасы”атты отбасылық сайысы ұйымдастырылды.

Мақсаты: Ата-аналармен балаларды сайысқа қатыстыра отырып, олардың отбасылық тәрбие туралы ілімдерін кеңейту. Қазақ “Бала-адамның бауыр еті” деген. Өйткені, бала-өмірдің жалғасы, отбасының жеміс берер гүлі. Отбасы-бұл қоғамның негізі. Бұл сайыста ұлттық құндылықтарымызды насихаттай отырып, ұлттық ойындар тек көңіл көтеріп қана қоймай, шапшаңдық пен тапқырлықты дамытуға, бір-бірімізге деген сыйластықты арттыруға көмектесетініне көз жеткіздік. Қазақ халқының ұлттық ойындары үлкен тәрбиелік мәнге ие. Ол балалардың денсаулығын нығайтып, рухани дамуына септігін тигізеді. Сайыс өте тартысты және қызықты өтті. Балабақша, отбасы және бала үштігінің бірлескен жұмысының куәсі болдық.