“Ұлағат” әкелер мектебі
Отбасының да, балабақшаның да мақсат-мүддесі біреу-ол болашақ ұрпақ тәрбиесі. Болашақ азамат тәрбиеленетін алғашқы ұя— отбасы, ата-ана құшағы және балабақша. №69 «Еркем-ай» балабақшасы түйіткілді мәселелер төңірегінде әкелер мектебімен бірлесе отырып, кешенді жұмыс атқарып келеді. Балабақшамен ата-аналардың өзара әрекеттесудің кешенді формасына айналған әкелер мектебі мүшелеріне бала тәрбиесіне байланысты ұлттық құндылықтарды дәріптейтін түрлі тапсырмалар берілді. Яғни бала тәрбиесінде ұлттық құндылықтарды негізге ала отырып, орындалған тапсырмаларды әкелер видео арқылы жолдады. Осылайша әкелер бала тәрбиесінде тысқары қалмай, басты рөлде екендерін тағы бір дәлелдеді.
“Әке - үлгі. Бала - ұрпақ. Табиғат - өмір” тақырыбында Бәйшешек тобының әкелер қауымдастығы балалармен бірге ағаш отырғызды.
“Өнерліміз-өркенбіз” әкелер мектебінің жетекшілерімен мүшелерінің ұйымдастыруымен өткен қол бұйымдарының көрме апталығы. Бұл балабақшада ұйымдастырылатын ерекше көрме, онда әкелердің балаларға арнап жасаған қолөнер туындылары мен шығармашылық жұмыстарын көрсету мақсатында өткізіледі. Бұл көрме әкелердің өнер мен шығармашылыққа қатысуын, сондай-ақ олардың балалармен бірге уақыт өткізіп, шығармашылық әрекеттерге араласуын көрсету үшін ұйымдастырылады.
“Сырғалым” аналар институты
Тақырыбы: “Өнер көзі - халықта”. Мақсаты: Қазақтың халық музыкасын, өнерін, мұрасын насихаттау, балалардың бойындағы ұлттық сананы ояту. Мақал- мәтел, нақыл сөздер арқылы тілдерін дамыту. “Ақжол”, “Бәйтерек”, “Ерке” мектепалды топтары
“Зере” әжелер академиясы
№69 «Еркем-ай» балабақшасының педагогтерінің ұйымдастыруымен «Ұлттық құндылықтар – ұлттық мұра» Ұрпақтар сабақтастығы атты ата-аналармен дөңгелек үстел өтті. Қазақтың ұлттық құндылығы деп Отан, халық, тілі, ділі, салт-дәстүрі, тарихы, халықтық өнері десек, баланы осы құндылықтарға қанықтырып өсіруміз керек екендігі айтылып, осы жолда атқарылып жатқан жұмыстар туралы айтылды. Дөңгелек үстел барысында ата-ана мен ұстаздар ұл мен қыздың тәрбиесі туралы өзекті мәселелер төңірегінде сөз алып, шешілу жолдарын іздестірді. Баланы бастан демекші бала кішкентайынан ұлттық құндылықтарға қанып өсуі керек екендігіне басымдық берілді. Бала жастайынан қазақтың ұлттық тағамын тұтынып, ұлттық ойынын ойнап, ұлттық киімін киіп өссе ұлттық рухты ұрпақ тәрбиелеріміз сөзсіз екендігін алға тартты ата-аналар. Сондай-ақ шара барысында әкелер арқан өрсе, аналарымыз тігін тігіп, текемет ойынын ойнады. Соңында ұлттық құндылықтарымызға байланысты түрлі тапсырмалар орындап, өз кезегінде балабақша ұжымына ризашылықтарын білдірді. Ата-аналармен болатын мұндай іс-шаралар–балабақша мен ата-аналардың тиімді және мақсатты өзара әрекеттесуін орнатуға мүмкіндік беретін бұл үшін ең қолайлы жұмыс түрі.